Saida maka CMS (Content Management System)?

Saida maka CMS (Content Management System)?

Iha publikasaun tuir mai, sei koalia konaba saida maka CMS (Content Management System), nia definisaun, nia funsaun no CMS saida deit maka iha no ita bele uza. kuandu iha tradusaun uza lian portugues, CMS ou Content Management System maka Sistema de Gerenciamento de Conteúdo ho nia definisaun maka :

Sistema de Gerenciamento de Conteúdo (do inglês Content Management System – CMS) é um aplicativo usado para criar, editar, gerenciar e publicar conteúdo de forma simples permitindo que o mesmo seja modificado, removido e adicionado com facilidade. CMSs são frequentemente usados para armazenar, controlar, prover documentação, empresarial tais como notícias, artigos, manuais de operação, manuais técnicos, guias de vendas e brochuras de marketing. O conteúdo pode incluir imagens, áudios, vídeos, documentos e conteúdo Web. Fontes : Wikipedia.

CMS ho definisaun fasil no geral ba ita atu komprende maka Software ka programa ida ne'ebe ita bele uza hodi halo no kria Website ida ne'ebe fasil liu no la persija atu hatene no komprende Code/ Coding ka Source Code. Dehan fasil tamba wainhira ita hakarak halo Website ida uza CMS, ita bele halo iha oras 1 nia laran deit no fasil ba ita atu maneja artigu, contiudu no informasaun saida deit maka ita atu halo iha website ida nia laran. Wainhira ita uza CMS hodi halo website ida, iha modelu no tipo barak maka ita bele halo hanesan :

• Website Informasaun
• Website Desportu
• Website Institusaun
• Website Komersiu (E- Commerce)
• Website Edukativu (E-Learning)
• Seluk tan

CMS iha modelu Open Source ka Gratuita ba ita atu Download no uza no la kona pagamentu ruma no CMS balun Comercial ka tenki selu wainhira atu uza. Tuir mai Tipos no Varios husi CMS ne'ebe ema barak uza hodi halo Website :

JOOMLA

Official Website : www.joomla.org

Joomla hanesan CMS ida ne'ebe Open Source ka Gratuita ba ita atu uza ne'ebe halo no hakerek uza code PHP no uza Database MySQL ne'ebe bele uza ba hodi halo website ho modelu saida deit. Joomla nia naran mai husi liafuan Swahili "Jumla" ne'ebe signifika "Hamutuk".

Joomla komportu husi elementu importante 3, hanesan Web Server, Script Code PHP no Database MySQL. Web Server nia funsaun hodi kalo koneksaun ho Internet/Intranet. Script Code PHP sai hanesan Code ba programa ne'ebe uza lingua programa PHP no Database MySQL hanesan fatin ida ba Joomla atu rai dadus ne'ebe iha Joomla laran. Joomla barak liu uza hodi halo website ida ho formatu Website Informativu ka website ne'ebe ho kontiudu fahe informasaun no bele mos uza ba halo Website Institusional.

Atu hatena uza Joomla ho diak, tenki hatene konaba saida maka Template, Component, Module no Plugin. Buat 4 ne'ebe ita temi ne bele hetan nia tutorial ne'ebe barak iha internet no fasil atu uza no komprende.

WORDPRESS

Official Website : www.wordpress.com

Wordpress hanesan CMS ne'ebe barak liu uza hodi halo Blog. Wordpress barak liu uza ba sira ne'ebe gosta halo tutorial, Article Edukativu no ba sira ne'ebe gosta iha area Blog no Adsense (buka osan husi Internet liu husi anunciantes / iklan). Wordpress Fasil liu atu uza tamba la persiza komponente no module barak hanesan joomla. Modelu uza mos fasil hanesan ita halo operasaun ba Facebook.

Wordpress mos bele halo ba modelu E-Commerce hodi faan sasan tamba iha Komponente ida ne'ebe bele integra ho wordpress hodi fo Templete ida ba modelu Loja Online.

DRUPA

Official Website : www.drupal.org

Drupal hanesan CMS ne'ebe Opensource ka Gratuita ne'ebe maka hetan lisensa GPL, nia desenvolvimentu no manutesaun hala'o husi ema no komunidade rihun ba rihun iha mundu tomak. Halo uza lingua PHP no uza Database MySQL, PostgreSQL, SQLite no MariaDB. Webserver mos suporta ba modelu barak hansan Apache, Nginx, IIS

Drupal

dabele uza hodi halo modelu website:

• Portal Web Comunidade
• Forum Diskusaun
• Website Kompanha
• Website Personal ka Blog 
• Website Komersiu
• Website Media Social
• Website Notisia
• Seluk tan

Husi CMS hotu iha Article ne'e, Drupal hanesan CMS ne'ebe Difisil atu komprende ba ema bai-bain maibe sai hanesan CMS ne'ebe fasil no uza barak liu ba Programmer Website iha Mundu tamba nia Code ne'ebe fasil ba Programmer sira bele muda tuir nesesidade Programer nian no fasil atu buka nia komponente hodi suporta.

MAGENTO

Official Website : www.magento.com

Magento hanesan CMS ne'ebe spesifiku liu ba hodi halo Website Loja Online. Magento rasik iha Kategoria 2 hanesan :

• Community Edition (Gratuita)
• Enterprise Edition (Selu / Comercial)

Magento diak tebe hodi halo website Loja Online tamba nia modelu ema desain tuir duni modelu loja online nian. Fitur ne'ebe iha Magento laran maka :

• Template Loja Online
• Lista Order
• Lista Presu uza Dolar (bele muda tuir Orsamentu seluk)
• Kalkulasaun ba sasan ne'ebe ema sosa
• Relatoriu ba lista sasan ne'ebe ema sosa inkui nia presu
• seluk tan

MOODLE

Official Website : www.moodle.org

Moodel (Modular Object-Oriented Dynamic Learning Environment) hanesan CMS ne'ebe spesifiku liu hodi halo Website Edukativu. CMS ne'ebe ho konseitu Aprendijagem ho sistema Online, entre Alunu no Mestre/a bele halo prosesu aprendijagem iha ne'ebe deit no la persija iha sala laran. Fasilidade ne'ebe fornese husi Moodle maka :

• Assignment submission
• Forum diskusaun
• Download Materia
• Klasifikasaun ba estudante
• Chat / Mensagem Badak entre Alunus no Mestre/a
• Kalendario aademiku online
• Informasaun no notisias
• uis online
• Survey

Karik Instituisaun ruma hakarak halo mudansa no aumenta, bele aumenta maibe tenki halo Coding rasik no persija hatene konaba Script husi Moodle ne'e rasik. 

Ne'e maka CMS ne'ebe ita bele koko no aprende tuir nesesidade ita nian.

Wainhira bele komprende no aprende ba CMS hira ne'e, sente no fiar katak

halo Website laos buat foun no difisil ba ita.