Saida mak Blog

Saida mak Blog?

Weblog ou babain ema bolu blog, agora dadaun famouso tebes iha mundo no mos iha Timor-Leste. Blog hanesan ponte transformasaun hobby ne'ebe mak kapaas ho nia valor positivo nune'e mos bele hetan informasaun no kolega barak liu tan iha mundo teknologia. Blog agora dadaun ne'e sai hanesan situs privadu ne'ebe bele uja hodi hakerek esperiensia privadu, no mos halo'o promosaun bisnis ne'ebe ita iha, e bele mos fahe matenek liu husi blog.
Blog ou Web blog hanesan promosaun moris digital ne'ebe mak avansadu husi loron ba loron. Iha internet, blog prepara gratuita ba sese deit, inklu dezenu, hosting e ate funsaun seluk ne'ebe mak bele halo'o ita nia blog kapaas liu tan e fasil atu halo'o publikasaun.
Blog fo-foun uja husi ema artista no selebriti sira deit tamba iha tempu ne'eba kuandu atu kria blog persija orsamentu barak, kompostu husi nia dezenu, Domain, selu Hosting no nia manutensaun ba blog. Iha parte seluk persija mos konesimentu klean kona ba Language Programming hanesan PHP no MySQL. Maibe hare ba kondisaun ne'ebe avansadu tebes, ikus-ikus ne'e iha ona situs barak mak prepara ona blog gratuita no la persija konesimentu klean kona ba Language programming. Agora dadaun iha fasilitator barak mak prepara ona situs no blog ho gratuita, hanesan blogger, blogdrive, blogsome, wordpress nst, no ida famouso liu mak blogger.com ne'ebe mak utilijador barak liu tamba fasil atu maneija nia template tuir nescesidade. Iha ne'e sei halo'o esplikasaun kona ba blogger deit tamba blog ida ne'e mak famouso liu iha mundo, ema barak uja blog ida ne'e tamba blog ida ne'e comfortable no fasil atu halo'o operasaun.

Istoria Blog
Blog primeira vez populariza husi blogger.com no nia nain mak Pyra Labs molok ikus mai Google sosa iha tinan 2002 liu ba, no iha tempu ne'eba iha mos aplikasaun-aplikasaun livre ne'ebe mak fo benefisiu ba hakerek nain blog ne'e rasik.
Blog iha funsaun ba buat barak, komesa husi agenda privadu media publikasaun ba kampanya politika no mos ba iha programa-programa media no companha sira nian. Iha blog balu maneija husi ema ida deit maibe iha blog balu mos maneija husi hakerek nain barak. Iha blog barak mos iha fasilidade interaksaun ho nia visitor sira, hanesan uja Guest book ne'ebe mak fo biban ba nia vizitantes sira atu fo komentario kona ba konteudo husi posting ne'ebe mak publika ona, maibe iha balu mos la fasilita Guest book ou non interktif.

Tipo-tipo Blog
Iha tempu agora blog avansadu tebes, la limita ba hakerek deit, maibe bele uza ba buat barak, ida ne'e depende ba hakerek nain sira atu ekspresa buat ne'ebe sira hakarak. Blog compostu husi variasaun oi-oin, laos ba hakerek deit, maibe bele mos hatama foto ou video sira.

• General Blog

Modelu blog ida hanesan ne'e mak barak liu hare iha mundo teknologia, exemplo blog ne'ebe mak hakerek kona ba istori vida moris lor-loron nian, opiniaun probadi kona ba topiku ruma, ou bele mos halo'o sai hanesan kampanye publiku hodi halibur militantes. Hakerek nain ida ne'e ema bolu blogger.

• Photo Blog

Dala barak ita bolu blog foto, ida ne'e hanesan dezemvolvimentu husi General Blog, no kontextu husi blog ida ne'e la limita ba textu deit maibe inklui mos foto. Iha ona blog barak mak ofrese ona Free Photo Blog ne'ebe mak bele hetan iha internet.

• Audio Blog

Audio blog konesido ho naran Podcast, blog ida ne'e iha mos lian (Voice) maibe la limita ba musika deit , inklui mos noticia ou fo konselu. Ema ne'ebe mak iha audio blog ida ne'e hanaran podcaster tamba blog ida nia modelu audio, hodi nune'e nia utilizador sira tengki kreativo atu hatama file ba audio.

• Mobile Blog

Hanaran Mobile blog tamba blog ida ne'e laos kria husi PC deit maibe bele kria mos husi Media telefone. Frakeza husi Mobile blog ida ne'e mak limitasaun ba iha Media telefone balu deit ne'ebe mak uza hodi upload dadus ba iha blog.

• Video Blog

Iha blog ida ne'e hakerek nain sira bele hatama mos video sira tamba precu husi Camera ne'ebe mak baratu hodi nune'e fasil ba ema sira bele halo'o video simples ida maske ho nia durasaun badak deit. Ida ne'e mak ideia kreativo hodi hamosu blog foun ho naran video blog. Blog ida ne'e lolos mosu iha tinan 2000 maibe ladun famouso iha Timor-Leste.
Kona ba Blogger
Blogger hanesan weblog ida ne'ebe gratuita no fasil ba ita hodi halo publikasaun Opiniaun liu husi Online(Weblog). Ne'ebe hari husi Pyra Labs iha tinan 1999, blogger nia funsaun hodi halo famouso ho bloggin ne'ebe mak hanesan formatu publikasaun web nian. Iha tinan 2003 Pyra Labs sosa husi Kompanha Google, no iha tempu ne'eba fo garante ba blogger nia fasilidade ho gratuita e mos dezenvolve nia atendimento sai formatu publikasaun ne'ebe forte to agora.
Iha razaun barak atu hili blogger hodi halo'o publikasaun ita nia blog, mak hanesan:

• Gratuita ba ita atu uza
• Fasil atu uza

· Blog Hosting iha Google nia servidor, no laiha limitasaun ba iha nia bandwith
· Bele maneija Blog dezenu blog nian tuir nescidade
· Bele aumenta Gadget ba iha nia alokasaun ho Editor simples
· Bele Posting Online liu husi email ou uza ita nia telefone.
· Ida ne'e integrasaun ona ho Google service sira seluk hanesan Picasa, Youtube, Google plus, AdSense no Google Analitics. Utilizador bele maneija ou halo midifikasaun kodiku HTML ba iha template ne'ebe iha, no se iha barak tan.